Inka badan 10 qof ayaa ku dhimatay tiro kalena waa ay ku dhaawacmeen kadib dagaal u dhaxeeyay ciidaada Ahlu sunna iyo Al shabab oo ka dhacay deegaanka Waradhuuma leh ee gobolka Galgaduud.

Dagaalka oo ahaa mid xoogan ayaa dhinacyada isku hor fadhiya halkaasi waxaa ay is weedaarsadeen Madafiic cul culus sida ay ay kusoo waraayaan ilo wareedyo ku sugan deegaanada ay isku hayaan ciidamada Shabaab iyo kuwa Ahlu Sunna.

Afhayeenka dhinaca ciidamada u qaabilsan Al Shabaab ee NINKA lagu magacaabo C/casii Abuu Muscab oo la hadlay warbaahinta ayaa guulo ka sheegtay dagaaladaasi, isagoo sheegay inay dileen dhowr askari oo ka tirsan ciiamada Ahlu Sunna.

Dhinaca Ahlu Sunna Majjiro ayaa sheegtay inay qasaro xoogan u geysteen kooxda al shabab oo tiro ciidamo ah ay kaga dileen kuwaas oo bahalada ay cuneen hilibkooda.

Si kastaba dagaalada ka jira deegaanka Waradhuumo leh ayaa waxaa uu noqday dagaal soo noqnoqda.

Wararka naga soo gaaraya Degmada Ceeldheer ee gobolka Galgaduud ayaa sheegaya in Al Shabab ay xabsiga dhigeen wadaad caan ka ahaa magaaladaas iyo labo wadaad oo kale oo la joogay.

Wadaadkaan ay xereen kooxda Al SHabab ayaa lagu magacaabaa Sheekh Max’ed Xasan oo ahaa wadaad muddo ku noolaa magalada Ceeldheer isagoo dadka reer Ceeldheer ay si weyn u ixtiraami jireen.

Ciidamo ka tirsan Al Shabab ayaa saakay waxay u dhaceen guriga uu ka deganaa Magaalada Ceeldheer wadadkan lagu magacaabo Shekh Max’ed Xasan kadibna halkaas ay ka wateen Wadaadka iyo labo wadaad kale oo la joogay Sheekha.

Raga lala xiray Sheekhaan oo lagu kala magacaabo C/laahi Sheekh Daa’uud iyo Ibraahin Sheekh Axmed Yare ayaa la ogayn sababta ka dambeysa xariga loo gaystay Sheekhan iyo ragas.

Wararka ayaa intaa ku daraya in wadaadkan SHeekh Max’ed Xasan uu muddo ku noolaa magaalada Ceeldheer isagoo magaalada bartamaheeda ka daganaa wuxuuna ahaa wadad aan dadka la hadlin marka laga reebo labadaan nin ee lala xeray.

Xisbiga Midnimada Jamhuuriga Soomaaliya ayaa shir deg deg ah ka yeeshay xasuuq shacab ka dhacay Muqdisho, muddo kordhinta Dowladda iyo qodobo kale

Kulan ay maanta isugu yimaadeen xubnaha hawlwadeenada xisbiga midnimada jamhuuriga Soomaaliyed uuna shir gudoominayey kusimaha M/weyne C/nuur Darman ahna gudoomiye ku xigenka XMJS/USRP Md. Cali Maxamed Nuux Timajilic ayaa gabi aanba waxaa looga hadley xasuuqa soo noq noqda ee shacabka ku dhaca meelaha TFGdu ka taliso ayna geysanayaan isla ciidamadeeda waxa sababa ama soo celceliya eedeeda cidda iska leh iyo sida looga gudbi karo ama looga gaashaaman karo.

Dood iyo falaqeyn kadib waxaa shirka kasoo baxey Qodobadaan:

A) Xisbiga Midnimada Jamhuuriga Soomaaliyed wuxuu tacsi tiiraanyo leh u dirayaa eheladii qaraabadii iyo shacabka Soomaaliyed  ee ehelkoodu ku dhintey ama hantidooda khasaare kasoo gaarey xasuuqa ay caadeysteen ciidamo ku sheega cadawgu ku dhexbeerey umadda soomaaliyed isla markaana oogada uga eg ciidan soomaaliyed balse ciidan u ah cadawga ku shaqeysta.

B)xmjs/usrp wuxuu cambaareynayaa cidda ka danbeysa ficiladaas foosha xun ee beryahan soo noqnoqdey anagoo leh kama baxsan doontaan cadaaladda waadna hor iman doontaan mar uun insha allah.

C)xmjs/usrp wuxuu shacbiga waydiinayaa yaa ka danbeeya dhacdadii 15/02/2011 ka dhacdey deg x/weyne? yaase xaq u leh in ay banaanbaxaan oo ra’yigooda muujiyaan? Ma koox kaliya ayuu banaanbax u banaanyahey? mise waa arin muwaadin kastaa xaq u leeyahey hadii uusan ku xadgudbeyn nabadgelyada guud iyo sharciga islaamka?.

Su’aalahan oo dhan waa kuwo mudan in qof kastaa isweydiiyo ayaa hadana aragtida xmjs/usrp ay sidan tahey ugu horeyn cidda arinkaas ka danbeysa waxaa ugu horeeya ninka m/weynaha sheegta waxaa ku xiga kuwa baarlamaan sheegta waxaa ku xiga kuwa wasiirada sheegta waxaa ku xiga kuwa m/gobolka sheegta, waxaana ugu danbeeya kuwa abaabuley ficilkas guracan iyo intii fulisey kuligood waa danbiilayaal aan danaha shacabka metelin ee tooda wata mid kastaa siduu doonuu shacabkii ka yeelay cadeyn kale looma baahna mudo isu kordhin hore u dhacdey iyo mida hada soo socota waa ku tagri fal masiir shacabku leeyahey iyagaa bilaabey in aan sharci iyo xeer midna la ilaalin iyagaana lagu dayanayaa sida hadaba socota.

Marka koowad hadaan kuwa aan soo sheegney wax qabtaa jirin tacsi kama yeeleyno waxaa sidoo kale mudan in la xuso banaan baxa ma koox kaliyaa xaq u leh mise cid kasta waxaa lala wada socdaa in dhawaan  TFG-du iska qabqabatey iyagoo guryahoodi jooga laguna eedeeyey banaanbax tfgda looga soo horjeedo in ay abaabul ugu jireen dadka uma ogoli in ay ra’yigooda cabiraan anna wey ii banaantahey ma soconeyso waana mida maanta taagan ugu danbeyntiina sida looga siraad kori karaa waa midnimo iyo in aan danbiilaha soo qabano isagu isma qabanayee!.

 XAFIISKA DALKA24.COM

MUQDISHO=SOMALIA.

Maamulka ASWJ ee gobollada dhexe ayaa sheegay in ay khasaare xooggan gaarsiiyeen maleeshiyaadka Shabaab oo uu dagaal ku dhex maray deegaano ka tirsan gobolka Galaguduud.

Sheeh C/risaaq Al-Ashcari oo afhayeen u ah Xoogagga ASWJ ee ku sugan gobollada dhexe ayaa Radio Muqdisho u sheegay in weerar ay soo qaadeen Shabaabku ay kala kulmeen jab weyn ayadoo carruur yaryar oo ay soo qaldeen meydkooda ay ka carareen sida uu sheegay.

Sheekha ayaa hadalkiisa ku daray in 6 dhallinyaro ah ay uga carareen deegaanka Waradhuumale oo ay soo weerareen maleeshiyaadku, kaddib markii ay iska difaaceen, wuxuuna sheegay in hadda xaaladdu ay deggan tahay.

Dhinaca kale degmada Guriceel ee gobolkaasi ayaa xalay ku waabariisatay Bandow ay saareen maamulka ASWJ ee degmada.

Xubno ka tirsan Maamulka Guriceel ayaa Radio Muqdisho u sheegay in bandowgaani uu ka dambeeyay kaddib markii Shaqaaqooyin ay ka dhaceen degmada, waxayna tilmaameen in la wadi dono howl gallo iyo baaritaano ammaanka lagu sugayo

Ka jawaabid qoraal been abuur ah oo ku soo baxay qaar ka mid ah Web site soomaalida, qoraalka jawaabta oo dhameystiran hoos ka fiiri

Safaaradda Soomaaliya ee Kenya ayaa ku talaabsatay horumar dhinacyo badan oo ay ka mid yihiin in Safaaradda dib u soo celiso  adeegyadii guud ee ay qaban jirtay iyadoo muujisay karti iyo aqoon dhinaca diblomaasiyadda ah,waxayna bilawday toddobaadyadii la soo dhaafay ama aan iraahdo bilihii la soo dhaafay in dadka ajanabiga ee u socdaala soomaaliya ay siiso fiisooyin dal ku gal ah.

Xarunta Safaaradda Soomaaliya ee Nairobi oo aan shalay booqday ayaan ku arkay dad ajanabi ah oo u badan Suxufiyiin kuwaas oo qunsuliyadda Safaaradda ka qaadanayen Fiiso ama dal ku gal sharci ah.

Arrintan ayaa ka dambeysay markii Safiirka Soomaaliya ee Kenya Maxamed Cali Nuur (America) uu ku wargeliyay dhamaan dadka u socdaala Soomaaliya in ay fiisaha dal ku galka ka soo doontaan xarunta Safaaradda.

Hase yeeshe tallaabadaas horumarka ah oo la qaaday ayaa waxaa jira dad faafiyay qoraalo been abuur ah oo laga qoray Safaaradda kuwaas oo qoray in Saraakiil Mareykan ah lagu soo biiriyay Safaaradda kuwaas oo ay ku sheegeen in ay dabagal ku sameeyan dadka u socdaala soomaaliya.

Sida lagu qoray mid ka mid ah Bogaga wararka Soomaaliya, Saraakiishan Mareykanka ah ayaa waxay ka tirsan yihiin laanta la dagaalanka Argigixisada, warkaas oo runtii la soo been abuuray oo dad ka soo horjeeda horumarka Safaaradda faafiyay.

Haddii Safaaradda Soomaaliya ka shaqeysay in ay ogaato ama baaris ku sameyso dadka u socdaala soomaaliya ujeedada socdaalkooda taasina ay qeyb ka tahay sugida amaanka dalka isla markaana ay ahayd in lagu amaano waxqabadkaas Safaaradda ma waxaa taa bedelkeedu la faafinaya warar been abuur ah oo ka soo horjeeda qaranimada soomaaliya.

Safiirka Soomaaliya ee Kenya, Maxamed Cali America isagoo kaashanaya howl wadeenada kala duwan ee Safaaradda ayuu ballaariyay waxqabadkiisa, xataa waxaa uu gaarsiiyay in dadka Soomaalida ku xuquuq noqdaan ajanabiga kale ee ku dhaqan Kenya, taasina waxay ku timid dadaalka diblomaasiyadeed ee Safiirka iyo kaalayaashiisa.

Danjire America ayaa ku wargeliyay soomaalida Kenya ku dhaqan haddii ay dareeman dhib iyo xaalado adag in ay ku soo wargeliyaan Safaaradda si wax looga qabto.

Marka aad eegto Waxqabadka Safaaradda ma aha oo kaliya arrimo dhinaca Siyaasadda ah, waxay Safaaraddu gacan ka geysataa daaweynta Caruur soomaaliyed oo gudaha dalka wax looga soo qaban waayay kuwaas oo la jiifa cuduro kala duwan, sida labo cunug oo isku taalay, Safiirka isagoo ka turjumayay Dowladda Soomaaliya ayuu baaq u jeediyay beesha Caalamka in wax laga qabto ama la badbaadiyo caruurtaas.

Sidoo kale Safiirka Soomaliya Kenya waxaa uu dadaal weyn ugu jira sidii waxbarasho casri ah u heli lahaayeen boqolaal Caruur Soomaaliyed oo ku nool xeryaha Qaxootiga ee ku yaala dalka Kenya, taasina waxay ka dambeysay socdaal Safiirka ku tagay xerooyinka qaxootiga, isagoo ballan qaaday in caruurtaas ka taageeri doono dhinaca waxbarashada.

Balse dadaaladaas faraha badan ee is barbar socda ka sokoe waxaa jira qaar ka mid ah Warbaahinta sida gaarka ah loo leeyahay oo lagu faafinayo warar iyo qoraalo been abuur ah.

Dadkaas sida qaloocan wax u arka waxay doonayaan iyagoo dano siyaasadeed leh in ay bedelaan aragtida shacabka soomaaliyed isla markaana doonaya in ay ka bixiyaan Safaaradda Soomaaliya Kenya muuqaal qaab daran.

Xarunta Safaaradda waxaa ka howlgala dad soomaaliyed oo u taagan danta guud, waxayna doonayaan in ay ilaaliyaan sharafta iyo Magaca Soomaaliyed.

Dhinaca kale talaabada Safaaradda Soomaaliya qaaday ee ah in la ogaado ujeedooyinkooda dadka u socdaalaya soomaaliya waxay ka mid tahay waxyaabaha lagu adkeyn karo amaanka dalka isla markaana lagu joojin karo dadka dibada ka yimaada ee ka qeyb qaata dagaalada ka socda Soomaaliya.

Ma jiro dal caalamka ka tirsan oo fiiso la’aan lagu tago, dal kasta xishmad ayuu leeyahay haddii la ilaaliyo xishamada dalkeena ma qalad baa mise waa wanaag lagu dhaqaaqay.

Ugu dambeynta dadka soomaaliyed waxaa looga baaqaya in ay gacan ka siiyaan Safaarada Soomaaliya Kenya ilaalinya iyo jiritaanka dalkeena soomaaliya.