Tonny Blair, Ra’iisal-wasaarihii hore ee Britain, waraysigan waxa uu bixiyey ka dib markii la daabacay dhawaan buug ah xusuus-qorkisii oo la yidhaa ‘A JOURNEY’, waxan ku tilmaamay islaamiyiinta xagjirka ah inay yihiin khatarta ugu weyn maanta ee caalamka, sidaas awgeeda in aanay waxba ku ahayn inay isticmaalaan, haddii ay helaan, hubka kasta oo ah nukleer, kimiko, iyo biyooloji, si ay qaddiyadahooga u meel mariyaan.
Waxanu tusaale u soo qaatay meel kasta oo ay adduunka ka jiraan, haddii ay tahay Iraq, Afghanistan, dhulka Falastiiniyiinta, Somalia, Yemen, Chechnya, ammaba Kashmir.
Bal maxay ka samaynayaan Yemen iyo Somalia marka ay xasuuqayaan dadweynaha aan waxba galabsa. Uguma wacnin annagu arrimahaasi; laakiin waa waajib in laga hortago oo laga qabtaa.
Tonny Blair
Waxa kale oo Tonny Blair uu ku gacansaydhay doodda odhanaysa in siyaasadaha dawladaha reer galbeedka ee Ingiriisku u ka mid yahay ay keenayaan xagjirnnimada iy ururrada ku xidhan al-Qaacida oo sii xoogeysta. Waxase isagu uu ku dooday in dalalka reer galbeedku ay ku kharash gareeyaan lacagayow gaadhaya balaayiin doollar oo deeq iyo dib-u-dhis ah dadweynaha dalalkaasi, lana jecel yihin inay gaadhaan hab dimoqoraadi ah oo ay isku maamulaan.
Tonny Blair waxa uu islaamiyiinta xagjirka ah kala mid dhigay kacaannadi shuuciga ahaa oo kale, waxanu ku baaqay in sida qudha ee lagaga hor tegi karaaay tahay inay ogaadaan jiritaanka quwado iyaga ka xoog weyn oo ka soo hor jeeda.
Xigasho BBC da
