Lix oday oo ka tirsan beelaha dega Muqdisho ayaa sheegay in shabaab dumarka iyo carrurta ay ka dhigtaan qalab looga dhuunto rassasta iyagoo sababa dhimashoo iyo dhaawac markatsa gaara. Maxmuud Macliin Hassan oo ku hadlayay magaca odayaasha ayaa sheegay in Shababaabku rabaan in ay dagaalamaan isla markaana aanay ka dhex bixin goobaha shacabka.

“Boqolkiiba 70 ayaa la badbaadin laha dhibaatada ku timaada shacabka haddi ay shabab ka dhex bixi lahaayeen dumarka iyo carrurta waxaan heli laheeyn badbaado,” ayuu sheegay Duq Maxamuud oo horey u ahaan jiray macallin quraan balse haatan Howlgab ah.

Waxaa u intaa raaciyay “shabaab inta ay dal qabsadaan ma xukumi karaan waa ineey dowlad ay wadaag ku yihiin la dhiso.”

Waxaa isna halka ka hadlay Axmed Baaruud oo sheegay in shabaab aanay awwodin in xeryo coodan ay dhistaan oo shacabka ka dhex baxaan.

“Markii shabaab ka dagaalamayo dhuusamareeb waxaa ka dhinta dad badan balse muqdisho ciidan kama dhinto sababtoo ah dhimashadu waxaa u leexata dhinaca dadweeynaha,”  sida waxa yiri Axmed.

“Shabaab iyo kuwa madaafiicda soo tuura waa isku mid, askarta Ugaandha  qori weeyn ayuu dadweeyne ku soo tuuraan iyagoo ka fikirin shacabka, shabaabna dad meel ay tagaan waayay ayeey dhufeeys ka dhigtaan,” ayuu ku daray hadalkiisa.

Waxeeyna duqeeyda soo jeediyeen in shabaab ka baxaan meelaha dadku ku badan yihiin haddi ay garan waayeen in ay ka qeeyb qaataan wada xaajood nabad.