Afhayeenkii Maleeshiyada Xisbul Islaam ee Magaalada  Beledweyn ayaa ku biiray Maleeshiyada Shabaab isaga iyo Maleeshiyad ka tirsana Xisbiga

Tiradii ugu badneyd ee horjoogayaal iyo maleeshiya  katirsan kooxda xisbul islaam ayaa maanta isku dhiibay maleeshiyada ashabaab kadib markii maalmahan danbe ay bateen weerarada qaawan iyo shirqoolada ay umaleegayaan kooxdan  ay maanta isku dhiibeen kuwaasi oo kadhacayay gobolo iyo degmooyin ka mid ah somaliya

Maxamed Wehliye Odawaa oo ahaa afhayeenkii kooxda Xisbul Islaam ee gobolka Hiiraan ayaa maanta munaasabad lagula wareegayay hubkii iyo horjoogayaasha xisbiga ka  sheegay in go’aankan ay qaateen markii ay waayeen meel ay ciirsadaan si ay uga badbaadaan maleeshiyada Alshabaab oo baacsi xoogan ku heysa ururkii ay katirsanaayeen

Ku biiritaanka kooxdii Xisbiga ee gobolka Hiiraan ay maanta hoostageen maleeshiyada Shabaab ayaa waxa uu ku soo aadaya  xili uu gaba gabo marayo qorshihii ay shabaabku ugu tala galeen in ay ku soo afjaraan xisbul islaam,  islamarkaana maalmihii u danbeeyay ay maleeshiyo fara badan dul dhigeen goobihii xisbigu ay kaga sugnaayeen magaalyinka Afgooye iyo Beledweyne oo ay horay ugala wareegeen iyo inta udhaxeysa Muqdisho iyo Afgooye oo ay qarka u saaranyihiin in ay sibuuxda ula wareegaan.