Bulshada Soomaaliyeed eek u dhaqan waddanka Indonesia waxay iyagoo isku duuban cambaareynayaan been abuurkii & dacaayaddii dhawaan laga qoray Soomaalida Indonesia & Danjiraha soomaaliya u fadhiya dalkaasi, iyadoo ay layaab iyo amakaag ku noqotay in ay jiraan shaqsiyaad sheeganaya saxafinimo haddana faafinayaa been abuur iyo xumaan intaas la eg. Dhanka kale waxay shacbiga Soomaaliyeed ugu baaqeen in ay iska qabtaan wax magaradka xumaanta iyo been abuurka ka faafiya masuuliyiintooda isla markaana lala tiigsado sharciga.
Sida dhawaan lagu daabacay mid ka mid ah website-yada soomaalida (waagacusub.com) oo loo yaqaan burcadda saxaafadda ( Media Mafia) dadka qaarna ay ku tilmaamaan dawarsatada saxaafadda ( Media Beggars) ayaa waxaa lagu sheegay in safiirka Soomaaliya u fadhiya Indonesia uu dhibaato ku hayo Soomaalida kunool dalkaasi , in uu ka tijaaray baad uu soomaalida Indonesia kunool kaqaato iyo been abuur kale oo fara badan oo aan kasoo fuli Karin afka shaqsi leh dareen Soomaalinimo kaasoo lagu waxyeeleynayo sumcadda iyo karamka Safiirka iyo dhammaan bulshada Soomaaliyeed ee ku dhqan dalkaasi, iyadoo Soomaaalida reer Indonesia ay warkaasi ku tilmaameen wax laga yax yaxo marna lagu qoslo kana tarjumaya inta uu la egyahay IQ-ga iyo garaadka dhaqsiyaadka wararka noocaas ah qora isla markaana aan u qalmin in laga jawaabo hadalkooda.
Danjiraha Soomaaliya ufadhiya Indonesia, Ambassador Mohamud Olow Barrow wuxuu mudanyahay amaan , bogaadin iyo in lagu abaal mariyo billad halyey qaran mana mudna in la aflagaadeeyo hayeeshee waxaa jira dad maan gaaban oo aan sidaas u garan Karin.
Waxqabadka la taaban karo oo uu Ambassador-ka soo kordhiyay waxaa ka mid ah:
- wuxuu geed dheer iyo mid gaaban u fuulay Sidii Safaarad Soomaaliyeed looga furi lahaa waddanka Indonesia oo aan abid horay looga furin isla markaana calanka blue-ga ah looga taagi lahaa taasoo uu ugu dambeystii ku guuleystay.
- Wuxuu dowladda Indonesia oo ah dowlad ad muhim u ah arrimaha Soomaaliya isla markaana aan laga maarmi Karin ku qanciyay in ay aqoonsato Dowladda Kumeel gaarka ah ee Soomaaliya.
- Wuxuu ku dadaalay wanaajinta xiriirka diplomasiyadeed iyo dhaqaale ee labada dal.
- Wuxuu kor u qaaday magaca iyo sumcadda ay Soomaaliya ku leedahay waddamo badan oo dhaca bariga Asia oo ay ugu horeyso Indonesia.
- Wuxuu ku dadaalaa in muwaadiniinta Soomaaliyeed ee u socdaaleysa Indonesia loo fududeeyo visaha dal ku gal ka.
- Dadaal dheer uu danjiruhu sameeyay kaddib, dowladda Indonesia waxay minxo siisay tiro arday soomaaliyeed ah isla markaana la rajeynayo in tiro intaasi ka badan ay minxo ka heli doonaan dowladda Indonesia.
- Iyo wax qabad kale oo fara badan oo aan halkaan lagu soo koobi Karin.
Ugu dambeyntii, bulshada soomaaliyeed eek u dhaqan Indonesia waxay cambaareynayaan warkii dhawaan lagu daabacay bogga aan kor kusoo xusnay kaasoo ahaa been abuur iyo dacaayad raqiis ah oo ladoonayo in lagu waxyeeleeyo sumcadda iyo guusha weyn ee uu safiirka usoo hooyay Umadda Soomaaliyeed, dhanka kale, bulshada soomaaliyeed ee Indonesia kunool waxay saxaafadda soomaalida ee nadiifka ah ugu baaqayaan in ay fiiro gaar ah u yeeshaan dimbiilayaasha usoo tafa xeytay in ay wasaqeeyaan isla markaana dhiiqo ku ridaan shaarka cad ee saxafiyiinta Soomaaliyeed.
Muhammad Mahmud Makaran
Jakarta, Indonesia
waxaan ahay arday ku nool wadanka newzealand awalna wax kusoo bartay wadankaas indunisiya runtii waxaan ogaa xiligaas aan joogay wadankaas ma aanan lahayn waa na matala wadankeenii soomaliya faaiidada uu leeyahay danjirahana waxaa kaliya oo garan kara ardayda markaas wax ka barata meeshaas fadlan waxaan doonayaa inaan u hanbalyeeyo danjiraha sidee ayaan uula xiriiraa mahamud olow barrow telfoonkiisa inaan kala hadlo ayaan doonayaa