Alshabaab ayaa faah faahin ka bixiyay qarax xalay lala eegtay masaajid ku yaala gudaha Magaalada Kismaayo kaas oo lagu tuhunsan yahay garab ka mid ah garabyada shabaabka u kala jabeen.

Wakiilka maleeshiyada Shabaab ee Gobolada Jubooyinka Sheekh Abuukar Cali Aadan oo la hadlay warbaahinta ayaa sheegay in xalay bam gacmeed lagu weeraray mid ka mid ah masaajidada ALLE ee ku yaala Kismaayo.

Weeraraasi wuxuu ku tilmaamay mid ay fuliyeen dadkii ka danbeeyey qaraxii Sabtidi ka dhacay Masaajidka Cabdalla Shideeye ee Suuqa Bakaaraha Magaalada Muqdisho aynka ka tirsan yihiin dadkaas isla shabaab.

“Xalay ayaa waxaa bam gacmeed lagu weeraray masaajid ku yaalo xaafada Guulwadaha ee Kismaayo, runti waxa ay aheyd arrin fool xun, hada qasaaraha waa yaryahay waxa jira dhaawacyo oo qura cidna kuma dhiman” ayuu yiri Sheekh Abuukar.

Waxaa uu sheegay in tuhunka weerarkan uu yahay mid lugta la galayo shabaabka oo dhawr farqi u kala jabay
Waa marki ugu horeysay oo masjid ku yaala Kismaayo bam lagu weeraro,waxaana uu weerarkan ahaa mid lala damacsanaa saraakiil ka tirsan Al-Shabaab sida ay sheegayaan dadka deegaanka