Dablayda Al Shabaab ee degmada Xudur ee gobolka Bakool ayaa Xukun Xad gacan goyn ah ku fuliyay nin eedeynta loo jeediyay aanay loo helin marqaatayaal.

Fagaaraha Garoonka Kubadda Cagta ee degmada Xudur ee gobolka Bakool ayaa Maxkamad ay  Al Shabaab ee degmada Xudur sameysteen ku fulisay xukun cadaalad daro ahaa nin lagu magacaabo C/kariin C/llaahi oo lagu soo eedeeyay in uu xaday Moobeelo iyo lacago cadaan ah sida ay sheegteen kooxda shabaab, waxaana ninkaasi laga gooyeeyay gacanta Midig.

Goobta uu ka dhacay xukunkaasi ayaa waxaa goob joog ka ahaa Mas’uuliyiin katirsan Al Shabaab oo ay kamid ahaayeen Qaadiga Maxkamada been abuurka  Al Shabaab ee degmada Xudur iyo Gudoomiyaha Al Shabaab ee degmada Xudur.

Ehelada ninka gacanta laga gooyay ayaa sheegay in uusan wiilkooda helin cadaalad isla markaana aan maxkamada la hor keenin marqaatayaal sida diinta islaamka qabta.