Maleeshiyada Alshabaab ayaa ku baaqday in la dilo muwaadin kasta oo Ameerikaan ah haddii uu yahay asal ahaan soomaali ama American asali ah.
Fu’aad Maxamed Khalaf oo ka mid ah horjoogayaasha Maleeshiyada Alshabaab oo maleeshiyo kooxdiisa ka tirsan kula hadlayay magaalada Muqdisho, ayaa mar kale ku celiyay in ay kooxdiisa ka go’an tahay in ay dilaan muwaadin kasta oo Amerikaan ah , waxa uuna intaas raaciyay in Ameerikaanku yihiin cadow, sida uu hadalka u dhigay.
Shongole, waxa uu sidoo kale ugu baaqay dableydii uu la hadlayay ina y sii laab jibbaaraan dagaalkooda ka dhanka ciidammada nabad ilaalinta Midowga Afrika ee AMISOM ee ku sugan magaalada Muqdisho.
fu’aad Maxamed Shonglole, waxa uu toddobaadkii hore ka badbaaday qarax dad badanid dhinteen oo ka dhacay masjidka Dabaqeynka ee Suuqa Bakaaraha, xilli uu halkaas Shongole ka jeedinayay hadallo Aflagaaddo ah, oo ka dhan ah shacabka Soomaaliyeed ee muslimka ah.
Tan iyo markii uu dhacay qarixii Masjidka Dabaqeynka ee Bakaaraha iyo weerarkii Bam gacmeedka loo adeegsaday ee lala beegsaday masjid ku yaalla magaalada Kismaayo, maleeshiyada Alshabaab waxay bilaabeen baaritaanno xooggan oo ay ku sameynayaan dadka cibaadada u taga masaajidda.
waxaa bilowday kala shaki xooggan oo soo kala dhex galay hor joogayaasha Shabaab.
Jimcadii la soo dhaafay maleeshiyada Alshabaab waxay la wareegeen furayaasha afarta masjid ee ugu waaweyn Suuqa Bakaaraha, iyagoo dadkana ka reebanayay alaabaha ay wataan.
xitaa horjoogayaasha ka tirsan Shabaabka waxaa lagu sameynayay baaritaan, waxaana laga reebayay alaabada ay wataan iyo iilaaladooda.
Warar laga helay ilo lagu kalsoonaan karo oo ku dhow dhow kooxda Alshabaab ayaa tilmmaamaya in maleeshiyada Shabaab ay ka goosteen labo hor jooge oo u qaabilsanaa sameynta waxyaabaha qarxa.
Mid ka mid ah horjoogayaasha goostay waxaa magiciisa lagu soo koobay Bukhaari, waxa ayna wararku tibaaxayaan in uu gaaray magaalada Jigjiga ee Kilinka Shanaad, halka hor jooge kale oo caawiye u ahaana uu carar ku gaaray magaalada Hargeysa.
Mascuud oo dad yaqaani tilmaameen in uu haatan ku sugan yahay Jigjiga,waxa uu ahaa ninka ugu sarreeya sameynta waxyaabaha qarxa ,marka laga soo tago kooxaha shisheeye ee iyagu wax qarxinta ku tababara Alshabaab
