Dagaalo culus oo u dhaxeeya Ciidamada Dowladda KMG ah iyo Maleeshiyaadka ka soo horjeeda ayaa mar kale saaka ka qarxay qeybo ka mid ah Magaalada Muqdisho.
Dagaaladani ayaa xoogooda waxa ka dhacay degamooyinka Shibis.Wardhiigleey.Hodan iyo howlwadaag, waxaana dagaaladan la isu adeegsaday noocyada kala duwan ee hubka, waxaana dagaalada dhinac socda duqeeymo xoog leh oo ay isweeydaarsadeen labadaasi dhinac, kuwaas oo ku dhacaya xaafado ka fog goobaha dirirtu ka socotay.
Ciidamada Dowlada ayaa guulo ka gaaray dagaaladan iyagoo ku sii siqaya goobo hor leh, waxaana sidoo kale ciidamada dowladu ay dib ula wareegeen goobo ay soo galeen maleeshiyaadka Dowlada ka soo horjeeda.
Dagaaladan ayaa daba socda kuwii daraad ka bilowday qeybo ka mid ah degmada Shibis, waxaana lagu soo waramayaa in dagaaladani ay geysteen qasaare isugu dhimasho iyo dhaawac soo gaaray dadka rayidka ah ee lagu duldagaalamayo.
Dagaaladani ayaa qeyb ka ah dagaaladii Maleeshiyaadka Dowlada ka soo horjeeda ay ka wadeen mudooyinkii la soo dhaafay Magaalada Muqdisho kuwaas oo galaaftay nolosha dad farabadan oo rayid ah
asc walee waayaab dagaalka aan dhamaadka lahayn ee aysan marna kaxiiso dhacay reer muqdisho allow usahal anagana hana soo gaarsiinkuwa dowlada kusheegaya baan layaabanahay shariif tuke iyo shariif sakiin baa meeshaan u yimid inay kabiishaan reerahooda oo faqri daashaday ee marabaan umad midowda al-shabaabna waa dadka aan soomali nimo aqoon waxna maqlayn KABA DHAGALA NAYSHII DHUKANI DHAMACA JIILAALE DHAWAAQ KAAMA YAASHIYO HADAAD DHUUBOY LEEDAHAYE