Hay’adda Xuquuqda aadanaha ee Amnesty International ayaa cambaareysay dilkii loo geystay Allaha u naxariistee Wariye Sh. Nuur Maxamed Abkeey oo kooxda Shabaab ay ku toogteen Muqdisho.

Haweeneyda Baarista Barnaamijyada Afrika u qaabilsan Hay’adda Amnesty ayaa fal Arxan darro ah ku tilmaantay Ugaarsiga  lagu hayo saxaafadda Soomaaliya, ayadoo si gar ah u dhaleecaysay kooxaha sheegtay dilka Wariye Abkeey.

Kooxaha bulshada rayidka iyo Suxufiyiin ayaa si wada jir ah u cambaareeyay kooxda shabaab ee dilkaas geysatay iyagoo ku tilmaamay falkaas mid ka baxsan bani’aadanimada iyo shareecada islaamka.

Hay’adda Amnesty ayaa sheegtay in Dowladda Soomaaliya laga doonayo in ay damanad qaado ammaanka Saxafiyiinta iyo muwaadiniinta kale inti karaankeeda ah, ayadoo sheegtay in ay laga maarmaan tahay in xabsiga la dhigo shakhsiyaadka sida cad u sheegtay dilka wariyayaasha, waxayna muujisay in beesha caalamka ay dowr ku ledahay badbaadinta Umadda Soomaaliyeed, ayna muhiim  tahay in guddi loo diro dalka Soomaaliya si ay u baaran xadgudubyada ka dhanka Xuquuqda aadanaha ee ka dhacaya.

Dablayda shabaab ayaa si cad u sheegtay dilalka Suxufiyiinta soomaalida loo geysto.