Culimaa’udiinka Ahlu Suna wal Jamaaca ayaa canbaareeyay falalka maleeshiyaadka Al shabaab ay ugu bedelayaan Masaajida meelo ay ku soo bandhigaan fikradohooda qaldan, ee gaalaysiinta Muslimiinta u badan.

 Xoghayaha guud ee warfaafinta culimaa’udiinka Ahlu sunaa Sheekh C/llaahi Sh. C/raxmaan Abuu Yuusuf Alqaadii ayaa canbaareeyay  in goobaha xurmda leh ee masaajidda ay dadka ku dhibaateeyaan kooxda shabaab iyo xisbul islaam oo ay ku tartmaan gacanka ku haynta Masaajidda,  si koox kastaahi ay afkaarteeda shacabka uga gudbiyaan.

Waxa uu sheegay Abuu Yuusuf in tilaabadaasi ay shacabka Soomaaliyeed ka jawaabi doonaan, islamarkaana looga baahan yahay in ay ka dhiidhiyaan, falalkaasi aan islaamka u adeegayn.

Sidoo kale waxaa uu sheegay in arrintaasi ay saamayn xun ku yeelanayso Maasaajida islamarkaana ay aad uga farxinayso  kooxaha ajanibta ah ee maleeshiyaadkaan ay u shaqeeyaan, taas oo sawir fool xun ka bixnayso Diinta islaamka oo lagu dhaawacayo sharafka Muslimiinta.

Dablayda shabaab iyo kooxda Xisbul Islam ayaa maalmahan oo dhan waxay khudbado is barbar socda ka jeedinayeen Masaajidyada Magaalada Muqdisho iyagoo inta badan hadalada ay jeedinayaan ay ahaayeen kuwa ka baxsan Diinta Islaam