Xulka Qaranka k/cagta Soomaaliya gaar ahaan ciyaartoyda da’dooda ay ka yartahay 17 sano jirka ayaa waxey soo gaareen wareega Labaad ee tartanka Xulalka 17 jirka ee Caf kadib markii lugtii labaad ee Cayaar ay la yeeshen Xulka dalka Kenya ku dhamaatay 0-0.

Cayaartaas oo galabta ka dhacday magaalada Nairobi ayaa 90-kii daqiiqo oo ay socotay waxay ku soo dhamaatay 0=0 taas oo natiijadeedu ku farxeen taageerayaasha Xulka soomaaliya maadama kulankii hore oo ka dhacay dalka Jabuuti ay soomaaliya ku soo badisay 3-1.

In kastoo kulankii galabta labada xul soo bandhigeen cayaar aad u xiiso badanayd haddana wax goolal ah la iskama dhalin.

Xulka Somaliya ayaa hadda u soo gudbay wareega labaad,Waxayna la cayaari doonaan xulka Masar ee 17 jirka ah