Wasaaradda warfaafinta Soomaaliya ayaa maanta Jawaab ka bixisay xayiraad loo geystay qaar ka tirsan warbaahinta xorta ah ee ka shaqeysa Magaalada Muqdisho.
Warsaxaafadeed ka soo baxay xafiiska wasiirka warfaafinta Soomaaliya Daahir Maxamuud Geelle maanta ayaa lagu cadeeyay in wasaaradda warfaafinta Soomaaliyeed ay ka xun tahay dhibaatada guud ahaan lagu hayo Saxaafadda Soomaaliya iyo falkii maanta lagu xayiray qaar ka tirsan Idaacadaha ka howl gala Magaalada Muqdisho.
Warsaxaafadeedka ayaa lagu sheegay in ay si xor ah u howl gili karaan Idaacadihii maanta shaqada laga joojiyay, iyagoo dhowrayo anshaxa iyo sharciga saxaafadda, sidoo kale waxaa war saxaafadeedka lagu faray Hay’adaha ammaanka dalka in ay wasaaradda warfaafinta ku war giliyaan tallaabo kasta oo ay qaadayaan oo ku wajahan saxaafadda.
Sidoo kale waxaa lagu cadeeyay warsaxaafadeedkaan in dowladda Soomaaliya ay ka xun tahay dhibaatada lagu hayo saxaafadda madaxa banaan ee Soomaaliya, wasaaradda warfaafintuna ay garab taagan tahay bahda warbaahinta dalka.
warsaxaafadeedka ka soo baxay wasaaradda warfaafinta oo nuqul ah waa kan
