Kulan ka dhacay magaalada BRUSSELS ee xarunta dalka Beljamka ayaa waxaa lagu sheegay in wasiradda ururka midawga Yurub ay meel mariyeen hawlgalka lagu tababarayo ciidamo ka tirsan kuwa dawlada KMGS oo lagu wado in wadanka Uganda uu ka furmo 7, bishaan April  kaasoo ay hor kaceyso dawlada wadanka Spain

Dalakka Midowga Yurub ayaa si buuxda u wada ogolaaday in tababarkaas ka furmo dalka Uganda 7 bishan Apriil.

Dawlada Jarmalka ayaa sheegtay inay hawlgalkaan ay uga qeyb qaadaneyso oo ay wadanka Uganda u direyso 20 sarkaal oo tababarka ka qeyb qaata halka sidoo kale wadamada Faransiiska iyo Ingiriiskuna sheegeen inay doorkooda ka qaadan doonaan qorshahaan ciidamada dawlada lagu tababarayo.

Wasiiradda arrimaha dibadda wadamada Midawga Yurub ku bahoobay ayaa waxay sheegeen in ujeedka ciidamadan loo tabarayo ay tahay in la xoojiyo awooda dawlada KMG ee soomaaliya oo xilligaan dagaal kula jirta kooxo hubeysan oo si weyn u diidan siyaasadda dawlada uu madaxweynaha ka yahay Shariif Sh, Axmed iyo joogitaanka ciidamada AMISOM ee Somalia.

Wasiiradaan kulanka ku yeeshay magaalada Brussels ayaa waxay sheegeen inay kal hore wadanka Uganda ku diyaariyeen agabkii ciidamada lagu tababari lahaa iyo macalimiintii hawsha fulin lahaa waxayna sheegeen inay qorshahaan ay kala kaashan doonaan dawlada KMGS,ururka Midawga Africa iyo Qaramada Midoobay.