Degaano ka tirsan degmada Aadan Yabaal ayaa waxaa ka socda kacdoon ka dhan ah Maleeshiyada Al shabaab iyadoo tuulada Cali Axmed ee Degmada Aadan Yabaal laga eriyay dablayda shabaab kadib dagaalo shalay halkaasi ka dhacay kuwaas oo u dhaxeeyay dadka deegaanka iyo Maleeshiyada Shabaab kaa oo bilowday Aroornimadii hore ee shalay socdayna illaa gabaldhicii xalay iyadoo maleeshiyada Shabaab si qasab ah looga saaray tuuladaasi.

Dagaalada shalay tuuladaasi ka dhacay ayaa maleeshiyada shabab ee duulaanka halkaasi ku tegay waxaa ay la kulmeen qasaaro xoogan oo soo gaaartay maleeshiyadii kooxdaasi u dagaalamaysay kuwaa oo 17 ka mid ah ay dagaalka ku nafwaayen islamarkaana ay maydadooka ay qaadan waayeen .

Sida ay sheegayan dadka degaanka ilaa iyo 40 dablay oo dhaawac ah ayaa lagu argay degaanka Cali Axmed oo inta badan dagaalka ka dhacay dhamaan ragas dhaawacmay waxay ka tirsan yihiin kooxda shabaab.

Dagaalka ka soconaya qaybo ka mid ah gobolka Sh/dhexe ayaa ah mid kacdoon ah oo ay dadku kaga soo horjeedaan falalka maleeshiyaadkaasi ay dadka kula dhaqmaan kuwaa oo dadka shacabka ah carra gelisay . waxana maleeshiyada shabaab ay haatan dagaal iyo qorri caaradiis looga saaray deegaano iyo tuulooyink dhowr ah oo hoosyimaada gobolkaasi.