Qarax xooggan ayaa lala begsaday gaari uu watay horjoogaha Xisbul-Islaam u qabilsan gobolka Banaadir Macalin Xaashi oo marayay qeybo ka tirsan degmada Yaqshiid.

Wararka laga helayo Agagarka saldhigga Yaaqshiid ayaa sheegaya in gaariga Macalin xaashi oo marayay agagaarka Saldhigga lala eegtay Miino qaraxeeda laga maqlay meelo badan oo woqooyiga Muqdisho ka mid ah, waxaana halkaas ku burburay dhamaan gaarigii uu lahaa Horjoogahu.

Wararka ayaa sheegaya in Macalin Xaashi uu ku dhaawacmay qaraxaas laakiin lama oga halka uu la eg yahay dhaawaciisa.

Rasaas xooggan ayaa ka dhacday agagaarka Saldhiga Yaaqshiid halkaas oo ah goobta miinada kula kacday Macalin Xaashi.

Macalin xashi wuxuu hadda ka tirsan yahay Xisbul-Islaam, waana ninkii maalmo ka hor saxaafadda ku amray in aan suugaan la deyn Karin iyo in aan Ajnabi la dhihi Karin shisheeyaha ka dagaalamaya Soomaaliya