Wararka naga soo gaaraya Magaalada Marka ee xarunta Gobolka Shabeellaha Hoose ayaa sheegaya in xabsiga magaaladas ay ku xiran yihiin dhalinyaro badan oo diiday in ay ka qeyb qaatan dagaalada ka socda soomaaliya ee shabaabka ku lugta leeyihiin.

Wararka ayaa sheegaya in xataa Shabaabka ay bilaabeen in baabuurta ku sii jeeda jubbooyinka ay kala soo degaan dhalinyarada saaran kadibna lagu qasbo in ay qaatan hubka oo ay la dagaalaman Dowladda KMG ah iyo cid kasta oo shabaab ka soo horjeeda.

Mid ka mid ah dadka degan Marka ayaa inoo xaqiijiyay in Xabsiga Magaalada ay ku xiran yihiin qiyaastii 70 dhalinyaro ah oo ka biya diideen amarka shabaab ee ah in ay ka qeyb qaatan dagaalada.

“Waxaa lagu leeyahay dagaalka ka qeyb qaado, oo Jihaadka aad haddii kale xabsi ama dil ayaa mudan tahay”sidaas ayay ku doodayan xubnaha shabaab ee magaalada Marka ku sugan.