Xabsi qarsoodi ah oo maleeshiyada shabaab ka furteen gudaha Suuqa Bakaaraha ee Magaalada Muqdisho ayaa la sheegay in ay ka buuxaan dad rayid ah oo aan waxba galabsan isla markaana lagu haayo dhibaatooyin isugu jira jirdil, koronto oo lagu qabto dadkaas iyo qaarkood oo sida la sheegay lagu xukumay dil. 

Warka ayaa intaa ku daraya in Maleeshiyada Shabaab ay saaka ku soo yaaceen gudaha Suuqa Bakaaraha waxeyna qabqabteen dad halkaasi ka adeeganayay,iyadoo  tiradii ugu badneyd ay ka qabqabteen qeybta Daawada ee Suuqaasi, lamana oga sababta ay dadkaasi u kaxeeysteen,iyo sida ay ula dhaqmi doonaan.

Dad goobjoogayaal ahaa ayaa xaqiijiyay qabqabashada dadkaasi in kastoo aan si dhab ah loo ogeyn tirada dadka ay shabaabku kaxeeysteen.

Wararka ayaa sheegaya in dadkaas ku xiran xabsiga Shabaab ee Suuqa Bakaaraha xataa ay ku jiraan Dumar iyo caruur, waxaana la soo sheegaya in qaarkood marka la jirdilayo qaylidooda laga maqlayo banaanka xabsiga.