Weerar ismiidaamin ah ayaa lagu weeraray fariisin ay Ciidamada nabad Ilaalinta ee AMISOM ay ku leeyihiin Bangigii hore ee Ganacsiga ee Magaalada Muqdisho.

Weerarkaan ayaa loo adeegsaday gaari nooca 110 loo yaqaano ah, oo lagu soo raray waxyaabaha qarxa, wuxuuna ku qarxay meel ku dhow fariisnka ay ciidamadu ku sugan yihiin.

Sarkaal ka tirsan AMISOM oo ku sugna goobta qaraxu ka dhacay ayaa xaqiijiyay in gaariga ay ka shakiyeen ka dibna ay rasaas huwiyeen ciidamda AMISOM, ka dibna uu is qarxiyay, wuxuuna sheegay in aysan wax dhibaato ah ka soo gaarin AMISOM.

Ciidamadaan dhawaan ayaa la dajiyay Hoteelka Curuba iyo Bangigii Ganacsiga ee Hore, waxaana halkaas looga raray dad barakacaayal ah oo ku soo qaxay.