Weerarkuna waxa uu ku aaddana markab la yidhaa MV Thor Traveller oo watta calanka dalka Thailand oo marayey khooriga Cadmeed. Waxana lagu weeraray qoryaha basuukayaasha iyo kuwa darandooriga u dhaca oo kooxaha hubeysan soomaali lagu yaqaano.

Helikobtarrada dagaalka ee markabka Maraykanka ayaa ka dib weerarary burcad-badeeddii, waxayna ka qaadeen hubkii iyo saanaddii kale ee ay wateen.

Ciidamadu waxay sheegeen in burcad-badeeddu ay u sheegteen inay yihiin kalluumaysato, laakiin makii la qabtay lagama heli wax qalab ah oo kalluumaysi.

Waxa qudaha ee laga helay waxa ahaayeen hub, rasaas iyo shidaal fara badan oo kooxahaas burcad badeeda wateen.

Ciidamadau waxay intaas ku dareen in burcad-badeeddii iyo doonidi ay wateenna dib loogu celiyey dhinaca xeebaha Somalia.

Dhibaatada ka taagan burcad-badeedda la soo qabqabto waxay tahay sidii loo dhilahaa – halka la geyn lahaa ee lagu saari lahaa maxkamad iyo cidda masuul ka noqonaysa.

Dhawaan Kenya waxay diidey inay aqbasho burcad badeed Somali ah oo la soo qabqabtay, waxayna sheegtay inay culays ku yihiin maxkamadaha Kenya, wax kharash ahna aan loo hayan.

Laakiin waxa jira iyaguna koox ilaa 10 qof ah oo dhawaan lagu qabtay iyaga oo isku deyayey inay afduubaan markab Jarmal ah, haatanna lagu hayo dalka Holland, loona gudbin rabo Jarmalka, si maxkamad loo saaro. Waxa iyaguna jira burcad-badeed kale oo lagu hayo dalalka Yemen iyo Maldives.

Dhacdadan uu danbaysey, waa markii afraad toddobaadyadani ee laga hortago weerarro burcadbadeed, lana adbaadiyo maraakiib.

Bishan gudaheedana, ciidamada caalamiga ee ilaaliya xeebaha Somalia iyo badweynta Hindiya, waxay qaqabteen ilaa dhawr iyo labaatan ka tirsan burcad-badeedda Somalida oo wax weerarayey.

Khamistii dhaweydna, markab dagaal oo laga leeyahay dalka Spain ayaa qabtay oo burburiyey doonni ka mid ah kuwa burcad-badeeddu adeegsato.

In kasta oo la rumaysan yahay in hawl-gallada burcad-badeeddu inay kor u kaceen bilahan danbe, haddana ciidamada caalamiga ahi waxay aaminsan yihiin inay yaraatay tirada maraakiibta ay ku guulaystaan burcadaasi inay qabsadaan. Sababtana waxay ku sheegeen ka hortagga ciidamadau ay ku sameeyaan burcad-badeedda inta aanayna gaarin budweynta fog ee ay maraakiiba gooshaysa ka ugaarsadaan iyo doonyaha ay adeegsadaan oo laga burburiyo.