Dowladda maraykanka ayaa cunaqabatay dhaqaale saartay Horjoogayaal ka tirsan Maleeshiyaadka ka dagaalamaya Soomaaliya iyo shaqsiyaad la tuhun san yahay in ay xiriir la leeyihiin kooxaha Argagixisada ah ee Soomaaliya jooga.

Wasaaradda lacagta ee Dowladda Maraykanka ayaa ku warantay in eedeeysanayaashaan oo tobaneeyo gaaraya cunaqabatayntaan lacageed lagu soo rogay ka dib markii ay sheegteen in ay duulaan ku yihiin dadka iyo dalka Soomaaliyeed iyo dunida inteeda kale.

Cunaqabatayntaan cusub ee la dul dhigay kooxahani ayaa si toos ah loogu bartilmaameedsan doonaa hantida shaqsiyaadka Soomaaliya ay ka degi la’dahay ee uu ugu horreeyo hoggaamiyaha siyaasaddu ku adkaatay ee Xasan Dahir Aweys, kaa oo maraykanka, Q/midoobay iyo dadka Soomaaliyeed ugu jira liiska shaqsiyaadka dhibaatada ka wada gudaha wadanka Soomaaliya.

Aweys ayaa lagu eedeeyay in uu mudooyinkii danbe ka shaqaynayay sidii uu ula midoobi lahaa maleeshiyada Shabaab ee diidan jiritaanka Dowladda Soomaaliya.

Warbixintaan ayaa wasaaraddu ku sheegtay in shaqsiyaadka hantidooda la xanibayo ay ka mid yihiin Abshir Cabdulaahi oo da’diisa lagu sheegay 44jir, Xasan Caddulaahi Xirsi  Turki oo 66 sano ah . Axmed Cabdi Aw maxamed oo 33 da’diisu tahay, Yaasiin Cali Baynax 44, sano , Maxamuud Cabdi Garaad 37, Yamani Jabriib oo sanadkiisu yahay 59 jir oo dagaal ugu yimid shacabka Soomaaliyeed, dagaal ooge Fu’aad Maxamed Khalaf, Bashiir Maxamed Maxamuud 28 sano jir ah , Maxamed Saa’id oo da’diisa lagu sheegay 44 iyo Faarax Maxamuud Maana oo Yeman isna dagaal ka dhan ah umadda Soomaaliyeed uga yimid, kaas oo lagu sheegay in baasaboor dimlumaasi Yemani ah   uu haysto.

Arrintaan ayaa imaanaysa xili maleeshiyaadkaan ay soo wajahady dhaqaalo yari ku qasabtay in ay dhacaan hantida dadka shacabka ah ee ku sugan meelaha ay joogaan, taa oo keentay in deegaanada qaar uu ka bilaawdo kacdoon kooxahaasi ka dhan ah.