Sida ay xaqiijiyeen ilo wareedyo lagu kalsoon yahay falkaan afduubka ah ee maleeshiyada Shabaaku ay gaysteen ayaa waxaa uu dhacay muddo Isbooc laga joogo, illaa hadana lama oga waxa ay rasmi ahaan ku sugan tahay xaaladda dadkaasi u gacan galay dablayda shabaab

Dadka ay qafaasheen Alshabaab ayaa waxaa ay dhamaantood ka soo jeedaan hal qoys, waxaana ay kala yihiin nin dhaqtar ah oo lagu magcaabo Dr. Xasan Cali Maxamuud oo loo yaqaan Caana Booro, labo wiil oo uu dhalay iyo wiil uu adeer u yahay.

Wararka ku saabsan sababta ka danbaysay afduubkooda ayaa sheegaya in markii hore uu salka ku hayay muran dhaqaale oo soo kala dhex galay mid ka mid ah ragga la afduubay iyo shaqsiyaad ka agdhaw kooxda Alshabaab horjoogayaal ka tirsan.

Afduubka dadkaan ayaa waxaa si gaar ah loola xiriirinayaa horjooge ku caanbaxay naxariis darro oo magaciisa lagu soo gaabiyay Mustaf Qoorgaab, kaas oo ka tirsan kooxda Alshabaab isaga gacantiisa ayaana dad ugu war dambaysay raga afduuban oo aan war iyo wacaal toona laga hayn muddo ka badan todobaad.

Aabaha isaga iyo caruurtiisa ay qafaaleen Alshabaab ayaa waxaa uu yahay shaqsi si wayn looga yaqaan degmada Huriwaa, oo uu muddo dheer ka mid ahaa waxgaradkeeda, goobo ganacsina ku lahaa, lagumana aqoon wax aan ahayn inuu ahaa nin jecel nabada iyo horumarka.