Madaxweynaha Dowladda KMG ah Shariif Sh Axmed iyo Wafdi uu hoggaaminayo ayaa ku sii jeeda saaka Magaalada Caasimadda ah ee Muqdisho.

Shariif Sh Axmed oo maalmahan ku sugnaa Caasimadda Uganda ee Kambala ayaa xalay ku soo hoyday Magaalada Nairobi, waxaana la filayaa in uu saaka u gudbo Magaalada Muqdisho sida uu sheegay Danjiraha Soomaaliya ee Kenya Maxamed Cali America.

Dhinaca kale Afhayeenka Baarlamaanka Soomaaliya Sh Aadan Maxamed Nuur (Sh Aadan Madoobe) oo isna Maalmahan ku sugnaa Nairobi ayaa saaka u duuli doona magaalada muqdisho isaga iyo xubno ka tirsan Baarlamaanka.