Warar soo baxaya ayaa sheegay in kooxaha burcad badeeda Somalied ee ka qawleyata xeebaha Somalia ay qafaasheen markab xamuul oo marayay meel 520 KM u jirta biyaha Jaziirada Sishilis.
Warku waxaa uu intaa ku darayaa un kooxdaan burcad badeeda ah ay markabkaasu ula soo dhaqaaqeen dhinaca biyahga Soomaaliya iyadoon illaa iyo hadda aan la xaqiijin wadanka laga leeyahay markabkaasi iyo waliba tirada shaqaalaha la socda.
Ciidamada ururka Midawga Yurub ee ku sugan biyaha Somalia ayaa xaqiijiyay in weerarkaasi uu ka dhacay biyaha Jaziiradda Sishilis waxaana afhayeen ciidamada Yurub ee Somalia jooga John hourbour uu sheegay inay baaritaano wadaan.
Dhinaca kale dawlada Jarmalka ayaa sheegtay in dhibaatada burcad badeeda Somalied ay si weyn u saameysay wadamada caalamka.
�
Wasiirka arrimaha dibadda Jarmalka Guyiido Westerweele oo haatan booqasho ku jooga wadanka Jabouti ayaa waxaa uu sheegay in burrcad badeeda Soomaaliyeed ay qal qal galiyeen marin biyoodyada caalamka waxaana uu intaa ku daray in loo baahan yahay in si deg deg ah wax looga qabto
