Ciidamada Nabad Sugida Dowlada KMG ah ee Soomaaliya ayaa goordhow ku amray idacadaha ku yaala magaalada Muqdisho gaar ahaan Idaacada Tusmo, Xurmo iyo Codka Nabada oo ku yaala goobaha dowlada ka taliso.

Masuuliyiinta idacadaha Tusmo, Xurmo iyo Codka Nabada oo maanta dowlada ay albaabada u laabtay oo saxafada la hadlay ayaa sheegay in saaka kulan ay la qaateen saraakiisha ciidamada Nabad Sugida dowlada ka dib loo sheegay in idaacadahooda ay xiraan.

Waxaa ay sheegeen masuuliyiinta in eedeeymaha loo jeediyey idacadaha ay yihiin amaradii ka soo baxay Ururka Xisbul Islaam oo ahaa in la joojiyo heesaha iyo muusigada taasi oo ay u hogaansameen inta badan idacadaha ku yaala magaalada Muqdisho.

Ciidamada Nabad sugid ayaa masuuliyiinta idacadaha u sheegay in ay tahay wax aan dowlada KMG aysan qaadan Karin in amar ka soo baxay kooxaha mucaaradka uu ka dhaqan galo goobaha Muqdisho ay ka maamusho dowlada.

Arintaani ayaa waxa ay la daba socotaa hadal maalin ka hor ka soo baxay xoghaya maamulka gobolka Banaadir ee dowlada KMG kaasi oo sheegay in ay talaabo ka qaadayaan Idacadaha ku yaala gobaha Dowlada ee joojiyey muusigada iyo heesaha kuwaasi oo u hogaansamyey amarka kooxha mucaaradka.

Mar sii horersay ayey aheyd markii maamulka Xisbul Islaam ee Gobolka Banaadir uu soo saaray awaamiir uu ku mamnuucayey in Idacadaha Muqdisho ay baahiyaan heesaha iyo muusigada , waxaan amarkaasi u hogaansamay dhamaan idacaaha ku yaala magaalada Muqdisho marka laga reebo idacada ku hadashay afka dowlada iyo idacadaha Xurmo iyo Codka Nabada.

Lama oga ilaa iyo inta ay xirnaan doonaan Iadacaha Tusmo iyo Soomaaliweyn oo maanta lababada dowlada ay isugu dhifatay oo ku yaala goobaha dowlada waxa ayna idacahaani amarka Xisbul Islaam la qaatay Iadacaha kale eek u yaala goobaha mucaaradka sida Shabelle,Hornafrik,DananTismo, iyo kuwa kale