Kacdoon shacab oo ay ilaa iyo iminka ku gacan sareeyaan dadka deegaanka oo gacan ka helaya Ahlu-Sunnah Waljamaaca iyo dowladda Somaliya ayaa waxaa ay maalmihii u dambeeyay ka soconayeen magaalooyin iyo tuulooyin ku yaal gobolada Shabeelaha Dhexe iyo galgaduud kuwaasoo looga soo horjeedo maleeshiyaadka al-Shabaab oo la sheegay in ay dhibaato ku hayaan dadka ku dhaqan deegaanada ay goboladaasi ka joogaan.

Dagaaladii u dambeeyay ayaa waxa ay ka dheceen tuulooyinka Goddhurwaa, Bulacle, Masagawaay iyo Ceelgaras oo dhamaan ku wada yaal Gobolka Galgaduud, halka degmada Aadan Yabaal iyo tuulooyin hoos yimaadana iyo deegaano hoos yimaada magaalada Jowharna ay iyana ka bilowdeen kacdoon shacab.

Dhamaan deeganadii lagu dagaalamayay maalmihii u dambeeyay ayaa waxaa la wareegay dadka deegaanka oo gacan ka helaya ciidamada Ahlu-Sunnah, waxaana ay dagaaladaasi reebeen khasaarooyin soo kala gaaray garbaha dagaalamaya iyo dad rayid ah.

Sidoo kale tuulooyinka qaar ayaa waxaa lagu arkayay odayaal iyo dad la bireeyay kuwaasoo ay dadka deegaanku sheegeen in ay horay usii qowreceen maleeshiyaadka al-Shabaab ka hor in aysan ka bixin tuulooyinka