Culumada Ahlu SunnaWaljamaaca ayaa sheegay in ay ciidamadooda dagaalo culus ay ka bilaabi doonaan deegaano badan oo ay ku sugan yihiin kooxda mayalka adag ee shabaab.
Madaxa warfaafinta ee Ahlu Sunna Wal-jamaaca Sh. C/llaahi Sh. C/raxmaan Abuu Yuusuf Al Qaadi ayaa sheegay in xooggana Ahlu Sunna ay ku dhow yihiin suuqa weyn ee Bakaaraha iyo meelo badan oo dalka ah, ayna maalmaha soo socda ay bilaabi doonaan howl gallo shacabka lagu xureynayo.
Abuu Qaadi ayaa sheegay in Dagaaladaasi ay ka dhici doonaan deegaano ka tirsan Gobollada Shabeelaha hoose iyo Banaadir, wuxuuna si gaar ah u xusay degaanada Afgooye iyo Ceelasha Biyaha oo ka wada tirsan Sh/hoose iyo Degmooyinka Dayniile, Hodan iyo Wardhiigleey ee Magaalada Muqdisho.
“ dagaaladu si isku mid ah ayay hal waqti uga billaaban doonaan Suuqa Bakaaraha, dayniile, Gubta Wardhiigleey iyo deegaanda loo barakacay ee duleedka Muqdisho” ayuu yiri Al qaadi.
Ciidamada Ahlu sunna ayaa ku sii sigaya Suuqa Bakaaraha ee magaalada Muqdisho, sida muuqatana shabaabka ayaa cabsi weyn ka soo wajahday xooga hubeysan ee Ahlu sunna.
walaahi aad iyo aad ayaan ugu farax sanahay kacdoonka ahlu suna waljameeca waxaan dhihilahaa ahlusa wa in maal maha soo socda ay qabsadaan bakaaraha oo dhan nimanka qawaarijta waxa ay dhaqaalaha kasameeyaan suuqa bakaraha waxaan aad urajeey neynaa in uu guulaysto halganka ahlusa waljameeca