Waxaan doonayaa inaan maanta qoraalkayga ku soo qaato bulshada soomaaliyeed oo maraysa marxalad aad u adag oo aan laga gaabsan Karin una baahan inay dhamaantood iska kaashadaan maahee aan qof iyo laba maarayn Karin sidii caddowgii shalay ee itoobiya iyo kii ka horeeyay ee cadaa ee talyaaniga iyo ingiriiska ahaa looga midoobayna hadaan looga midoobin dhamaan saamayn doonta cariga soomaaliyeed iyo inta ku hadasha afka soomaaliga oodhan.

Waxaa muddo dheer dadka degan deegaamada ay xoog ku haystaan ciidamada alshabaab ku mashquulin jireen naftooda kuna maaweelin jireen inay iman doonaan ciidamo maraykan iyo ruush iyo reer yuruba kana kaxayn doonaan oo iyaga oo aan far qaadin lala dagaalami doono

Argagixsada caalamiga ah nasiib daro way dhici wayday taasi.

Waxaan u sheegayaa bulshoweynte reer koonfureed goboada dhexe ciidan afrikaana iyo mid ameikaana kama dagaalamin ee soomaaliya ayaa ka dagaalantay banaankana iska dhigay alshabaab ma hawaysan karaan alshabaab maamul goboleedka puntland iyo jamhuuriyada soomaaliland waayo shacabkooda ayaa isku duuban oo karti iyo dedaal muujiyay ay kaga hortagaan aafada iyo dhibaatada colaadeed ay nimankaasi ku caanbaxeen

Markaa alshabaab mar hore ayuu sahansaday gobolada koonfureed iyaga oo loo adeegsaday dad iyaga ka dhashay oo aaminsan fekerka gaalaysiinta muslinka iyo fulinta awaamiirta

Buuraha afgaanistaan laga soo abaabulay

Waxaana la dhameeyay intii noolayd ee wax fahmaysay iyo intii xooga lahayd ee aan amarkooda qaadan waxaa lakala qaybiyay mayd midba laami la dhigay waa ka doodi waayeen deegaamada dhibkaasi ka jiray waxaa la dilay duqeey iyo waxgarad way ka doodi waayeen kuwii noolaa markii sidii la doono laga yeelay waxaa dib loogu soo noqday kuwii dhintay oo xabaalaha laga soo saaray maydkoodana badwaynta hindiyaa lafahooda lagu shubay qaarna la gubay.

Hadaba waxaan maqli jiray ilaa maalintii aan garaadsaday falastiin ayaa dad lagu xasuuqay oo israa,iil dhamaysay carabina way canbaareysay kuwo kalena waxay sameeyeen baroordiiq

Qaarna waxay ku mudaharaadeen safaaradaha reer galbeedka oo ay u muujiyeen sida ay uga xun yihiin.

Tirade israa,iil waa 2,000,000 waxayna xoog ku dhex joogaan 500, 000,000 taas waxay u saamaxday inaysan wax naf ah lahayn ama quwada ama talo ah ama tawfiiqa umada carbeed oo sidii la doono lag yeeli karo.

Hadaba bulshada ku dhaqan waqooyiga muqdisho iyo dhamaan gobolka shabeelada dhexe hiiraan qaybo ka mida galguduud iyo shabeelada hoose waxaa la soo deristay qisadaan hore uga soo hadlay ee ahayd mudaaharaad iyo canbaarayn.

Alshabaab maaha niman mowqifkoodaa la gabanayaa cid ay ka baqanyaana ma jirto ama canbaareeyaa ama calaacala ama ciil la ooyaa mid dhintay iyo mid nool midna ma dhaafayaan.

Waxaan u soo jeedinayaa bulshoweynta soomaaliyeed ee deegaamadooda gumaysiga lagu haysto laba arimood midkood.

Dadka caalamku waxbay diidaan waxay diidaana way ka dagaalamaan o oaf iyo adin ayay kala hortagaan guul iyo guuldarana way u adkaystaan.

Ama dantoda ayay eegtaan oo naftooda siday ku badbaadayso ama gumaysi ha noqoto ama gunimo kale ha noqotee way sameeyaan muran iyo qaylana way iska dhawraan

Labadaa arimood shacabka reer muqdisho iyo gobolada kale midna kama muuqdo

Waxaanay taagan yihiin dhexdoodaa waana hana dhiman hana noolaan waana mawqifka aduunka ugu xun, qof aan waxna diidi Karin waxna doonayn.

Kooxda alshabaab waxaa ka go,an qof kasta oo aan mawqifkooda taageersanayn ama inuu dhinto ama inuu qaxo wax u dhaxeeya ma leh.

Markaa waxaan usoo jeedinayaa bulshada daljirka dahsoon ku banaanbaxday ciidan dibad ka yimaada oo idinka celiya alshaabaab ha sugina cudud aan tiina ahayna haku xisaabtamina

Canbaarayn iyo cay iyo cilaaqtana waxba idinka celin maayee ciidankiisa iyo curadadiina laba daran mid u dooraa in alshabaab dilo oo gaalo ku xukumo inay raacaan uu qarxiyo.

Labadaa waxaan ahayn waa inuu iska celiyaa markaa waqti calaacal iyo canbaareyn lama joogee cududiina ku tashadaa ciilkana kaga baxa waxaan qoraalkan oo aan si cadho leh u qoray ku soo afjarayaa .

Ciilka iyo murugada
Calooshu ay la oloshee
Cindigiina gubayaa
Canbaareynta shalay
Ceebaynta maantuba
Cilad saaari maayee
Cududiina kaashada
Iyo ciidan iyo xoog

Calmadoobe waraniyo
Birta ciilka kaga baxa
Isku caynsha baaruud

Caaradhuubka aakaha
Cudoonoow dhashiikaha
Ciiltaroow ah dabajeex
Intaad caynsataanoo
Rasaasta u camirataan

Suuga cagaha kaga jara
Shilkaha ku cabudhiyoo
Ku cajiima bee teen
Cadibaada uga dhiga
37 ku cawdhiya
Cabsi oodhan iga dhiga

Halkaad caawa joogtaan
Cadceed soo baxeediyo
Cadaadkeeda waaberi
Dib yaan looga cararine

Cagta hore usii wada
Ciidan dowliya iyo shacab
Caanaha ka daba sida
Cudud qaran ahaadoo
Cajabee difaac gala
Iyo weerar caymiya
Shacabkaa cidlada yaal
Cirooliyo caruuriyo
Cadrada iyo wiilkaba
Cisho qaadan maysee

Cududiina xoojoo
Caqligiina kaashada
Ciilku hayna daayoo
Ceebtu hayna dhaaftoo

Cadowguna ha jaba oo
Calanku ha xorooboo
Caruurtuna samaaniyo
Cisi iyo wanaagiyo
Caafimaadba way heli

Culumada ilaahay
Caaqil iyo odayaal
Dumarkiyo caruurtuba
Carigoo nabadiyo
Cisi bay sugayaan

Canbaaraynta iga jira
Sida carabta oo kale
Caagado ha tumanina
Cududiina maalooo
Cadawgiina jabiyoo
Curadada ku ciil baxa

Wabilaahi tawfiiq

Waa Qalinkii iyo Hall_abuurkii
Cabdiraxiin Hilowle Galayr
Abdirihiin1@hotmail.com