Gudoomiye Kuxigeenka Labaad ee Golaha Baarlamaanka Cusmaan Cilmi Boqore ayaa shaaca ka qaaday inuu iska casilay, xilkii uu hayay, isagoo si rasmi u cadeeyay inuu idlaatay mudadii gudoonka baarlamaanka.

Isagoo ku sugan magaalada Tehran ee dalka Iiraan ayaa waxaa uu sheegay inuu yahay xildhibaan ka tirsan baarlamaanka, isla markaana uu ka tanaasulay xilkii gudoonka baarlamaanka ka hayay.

“Aniga markii hore magac u yaal ayaa, ahaa waana iska casilay, xilkaas, waxaan leeyahay baarlamaanka ha doorteen Gudoon cusub”ayuu yiri Cusmaan Cilmi Boqore.

Waxaa uu ku eedeeyay Gudoomiyaha Baarlamaanka Sheekh Aadan Madoobe inuu maroorsaday awoodii baarlamaanka, isla markaana ka dhigay Baarlamaanka mid fadhiid ah sida uu hadalka u dhigay.

Khilaafka ka dhex aloosan baarlamaanka ayaa ku wajahan sharciyada waqtiga Gudoonka baarlamaanka oo xildhibaanada qaar ay sheegeen inuu dhamaaday, halka kuwa kalena ay ku doodayaan inuu sii shaqeynayo.

Guuxa ka dhex jira baarlamaanka ayaa u muuqda mid uu dib ugu laabanayo xaaladihii fowdada ee uu horay u soo maray, baarlamaanka, waxaana xildhibaanada yihiin kuwo kala qeybsan