Sheekh Nuur  Cali Aadan  oo ah Wasiirka Wasaaradda Awqaafta iyo Arrimaha diinta Xukuumada KMG ah ee Soomaaliya ayaa sheegay in Al-Shabaab ay iibsadeen Lafiihii Mashaa’iikhda ee ay ka soo saareen qabuuraha, islamarkaana ay lafahaasi ay u iib geeyeen qaar ka mid ah wadamada caalamka .

Wasiirka Wasaaradda Awqaafta iyo Arrimaha diinta Xukuumada KMG ah ee Soomaaliya  ayaa waxa uu sheegay in Al-Shabaab qabuurihii ay faageen oo ay ka soo saareen Mashaa’iiqda caanka ku ahayd faafinta diinta Isaamka ay si qarsoodi ah u iib geeyeen qaar ka mid wadamada caalamka

Sheekh Nuur Cali Aadan ayaa sidoo kale tilmaamay in qabuuro faagistii Al-Shabaab aysan ka ahayn diin, balse ay ka ahayd  qandaraas ay soo qaateen waa sida uu hadalka u dhigee Wasiirka.

Wasiirka Awqaafta iyo arrimaha diinta ayaa hadalkiisa waxa uu ku soo aadayaa xilli qabuurihii ay Al-Shabaab faageen oo ay ka soo saareen lafihii Mashaa’iiqdii caanka ka ahayd dalka Somaaliya ay dhaliyeen murano xaga diinta ah, islamarkaana ay yimaadeen dad si aad ah arrintaasi uga soo horjeeda