Odayaasha iyo waxgardka ka soo jeeda Gobolka Bakool ayaa sheegay in ay wadaan dadaalo iyo abaabul ay ku doonayaan in ay isaga xoreeyaan kooxaha shabaab ee dhibaatada ka wada deegaanadooda.
Gudoomiyaha degmada Xudur ee Gobolka Bakool Maxamed Macalin ayaa shaaca ka qaaday in ay wadaan dadaalo xoogan oo ay ku doonayaan in ay isaga xoreeyaan kooxaha Dowlada ka soo horjeeda ee dhibaatada culus ka wada deegaanada kala duwan ee Gobolka Bakool.
Gudoomiyaha oo hadalkiisa sii wata ayaa intaa ku daray in ay diyaariyeen Ciidamo ka tirsan Dowlada KMG ah ee Soomaaliya kuwaas oo gacan ka helaya dadka deegaanka wuxuuna hoosta ka xariiqay in dadka ku dhaqan deegaankaasi ay ka dhiidhiyeen dibaatada xoogan oo ay ku hayaan dadka deegaanka.
Kooxaha dowlada ka soo horjeeda ayaa dhibaatooyin kala duwan ka wada deegaanada ay gacanta ku hayaan iyadoo dadkuna ay bilaabeen kacdoono ka dhan ah kooxahaasi,kuwaas oo ka soconaya Gobolada Baay.Bakool iyo Shabelada dhexe
