War saxaafadeed�
Dadaallada nabad-dhalinta caalamiga ah ee lagu soo af-jarayo 20ka sano ee dagaallada iyo masiibada bani’aadminnimo ee Soomaaliya waxay noqdeen kuwo guul darraysta.
Warbixin cusub iyo qoraal siyaasadeed oo ay maanta baahisay Conciliation Resources ayaa ku talinaya in beesha caalamku ay si degdeg ah dib uga baaraandegto jidka ay ku socoto ayna wax ka bartaan sida Soomaalida laftoodu u maareeyeen inay nabad ka dhaliyaan qaybo badan oo waddankooda ah muddooyinkii dhowaa.
Yay maslaxadiisa tahay? Waxay qaadaa-dhigaysaa dadaallada lagu guulaystay ee nabad-dhalinta Soomaalida oo sida qaalibka ah la iska indhotiro waxayna soo gudbinaysaa casharro iyo talooyin wax ka taraya siyaasadda caalamiga.
“Hannaanka nabad-raadinta ay Soomaalidu hoggaanka ka tahay oo la kaalmeeyo ayaa ah qaabka ugu waxtarsan ee beesha caalamku uga caawin karto Soomaalida inay helaan dariiq ay kaga baxaan qalalaasahan daba-dheeraaday,” sidaas waxa yidhi Mark Bradbury iyo Sally Healy oo wadajir u tifaftiray warbixintan.
Warbixintan waxay ku qoran afafka Ingiriisiga iyo Soomaaliga, waxana ku jira in ka badan 30 maqaal iyo waraysiyo lala yeeshay odayaasha Soomaalida, diblomaasyiin sare oo caalami ah iyo khubaro dhinaca nabad-dhalinta ah.
Mid ka mid ah odayaasha Soomaalida oo ka soo jeeda Puntland kana qaybqaatay dadaallo badan oo nabad-raadineed kaasi warbixintanna lagu waraystay ayaa yidhi “Si aynu qaran ahaan dib ugu heshiino, waxaynu u baahanahay inaan mar kale kalsooni dhab ah isku qabno, qiranno qaladaadkeena isla markaana midba midka kale saamaxo. Isticmaalka xoog iyo aaya-ka-tashiga oo la cabburiyo waxba ma xallinayso.”
“Waa talo qumman inaynu raacno codadka iyo casharrada halkan lagu soo bandhigay, door kasta aynu qaadanee, sidii aan Soomaaliya uga caawin lahayn mustaqbal nabdoon inay iyagu abuurtaan,” sidaasi waxa yidhi Bernard Harbourne, oo ah La-taliye Sare oo Xallinta Khilaafaadyada Gobolka Afrika kala taliya Bankiga Adduunka.
Diyaarinta warbixintan waxaa lagala kaashaday Interpeace www.interpeace.org waxaadna ka heli kartaa www.c-r.org
/dhammaad.
Fadlan wixii macluumaad dheeraad ah kala xiriir Elizabeth Drew oo laga helo
edrew@c-r.org ama 0044 207 359 7728 ext 235.
