Wiilkaan oo aanan magaciisa helin ayaa dhowaan ka yimid dalka Mareykanka, da’diisuna waa 26 jir,   waxa uu iska soo tuuray dabaqa 5aad ee guriga uu ka daganaa xaafada Islii, habeen hore abaarihii 2:00 saqda dhexe.

Go’aankan uu qaatay marxuumka ayaa waxaa sabab u ahaa isku dhac xagga qoyska ah, gaar ahaan hooyadiis iyo xaaskiisa oo uu u dulqaadan waayay sida la sheegay kadibna keentay inuu naftiisa dilo.

Dadkii ku soo baxay arrinkaan ayaa sheegay in ay maqleen jug xoog badan iyo qeylo daqiiqado ka dibna ay arkeen meydka wiilkaan oo madaxa ka qarxay, waxa ayna war geliyeen booliska.

Hooyada dhashay wiilkaan ayaa waxa ay ku eedeysay dhimashada wiilkeeda Xaas uu qabay oo ay hooyada isku dhaceen, halka xaaskana dhankeeda ay hooyada ku eedeyneyso in ay ka dambesay dhimashada seygeeda.

Meydka wiilkaan Soomaaliga ah ayaa iminka waxa uu ku sugan yahay Isbitaal ay boolisku ku baarayaan sababta keentay iyo cidda ka dambeysay dhimashadaan naxdinta leh, waxaana la filayaa in lagu aasi doono isla magaalada Nairobi, kadib baaritaanka booliska.