Dowladda ku meelgaarka ah ee Soomaaliya iyo ururka Ahlu Sunna Wal-Jamaaca, ayaa heshiis ku saxiixday xarunta midowga Africa ee magaalada Addis Ababa.
Madax kala duwan, oo ay ka mid yihiin Ra’iisul wasaaraha Soomaaliya, Cumar Cabdirashiid Cali Sharmarke, madaxda midowga Africa, IGAD iyo madax ka socota dalka Ethiopia ayaa ka hadlay goobtii heshiiskaas ka dhacay.
Hogaamiyaha Ahlu Sunnah, Sheekh Maxamuud, ayaa khudbad dheer oo Soomaali ah ka jeediyay, isagoo sheegay in Ahlu sunna aysan ahayn urur siyaasi ah balse waa urur isku xira muslimiinta caalamka
Heshiiska dhinacyadu gaareen ayaa waxaa lagu saxiixay xarunta midowga Africa ee Addis Ababa, iyadoo labada dhinac ay u kala saxiixeen Gudoomiyaha golaha fulinta ee Culumada Ahlu Sunna wal Jamaaca Sh. Maxamed Yuusuf Xeefoow iyo ra’iisul wasaare ku xigeenka ah wasiirka maaliyadda, Shariif Xassan Sheekh Aadan.
