Amiirka Alshabaab Sheekh Mukhtaar Abuu Zubeyr, balse dad badan ay in magaciisa dhabta ah uu yahay Axmed Cabdi Godane ayaa fariin xamaarsan dar daaran iyo guubaabo soo diray maleeshiyadiisa.

Abuu Zubeyr oo la hadlayay boqolaal ka tirsan maleeshiyada Shabaab ayaa u jeediyay in loo baahan yahay in la muujiyo sabar iyo dhabar adeeg, isagoo si gaar ah uga hadlay marxaladaha xilligan lagu jiro, hadalkiisana waxaa uu u muuqday mid niyadda loogu dhisayay dablayda shabaab

Waxaa uu si gaar ah uga hadlay arrinta Ciidamada, waxaana uu cadeeyay in lagama maarmaan ay tahay in qofka u hogaansanaado amiirkiisa, waxaana uu ku baraarujiyay in mar walba ay heegan ahaadeen.

Abuu Zubeyr waxaa uu soo qaatay taariikhda asxaabada oo sheegay in ay ahaayeen kuwo samar badan, isagoo ugu baaqay in ay haboon tahay in looga daydo sida uu hadalka u dhigay.

Fariinta Hogaamiyaha Shabaab ayaa dulucda hoose marka laga eego ay muujineysa tafaraaruqa xaga maleeshiyadiisa ah, iyo in aanay jirin kala dambeyn Ciidamada iyo saraakiisha ah, isagoo u jeediyay in qof walba u hogaansanaado amarka Amiirkiisa.

Dadka wax indha indheeya ayaa sheegaya in fariinta Abuu Zubeyr ay u muuqatay mid uu ku beegay xaalada lagu jiro oo ay ugu weyn tahay is badalo dalka ka dhaca, kaas oo Shabaabka saameyn ballaaran ku yeesha