Dowladda Mareykanka ayaa beenisay warar ay qoreen warbaahinta qaarkood oo sheegayay in dowladda Washington damacsan tahay in ay ka qeyb qaadato howl gal ciidan oo dowladda Somalia ku talo jirto in ay ku qaaddo kooxaha ka nabad diidka ah.

Kaaliyaha xog hayay arrimaha dibadda mareykanka ee dhinaca Afrika Joney Carson  ayaa sheegay  in ay dowladda KMG ah ee Somalia u fidiyeen kaalmo aad u kooban, balse aaney dowladda Mareykanku ku talo jirin in ay ka qeyb qaadato howl galka milatari ee ay damacsan tahay dowladda Somalia .

Sidoo kale Mr Karson waxa uu beeniyay in ay dalka Somalia ka joogaan la taliyayaal dhinaca ciidanka ah, waxa uuna wax kama jiraan ku tilmaamay warbixin dhawaan lagu daabacay wargeyska New Yowr Times oo lagu sheegay Suurto galnimada in dowladda Mareykanku ciidan ahaan uga qeyb qaadato howlka dowladda Somalia ku tala jirto in ay ku qaaddo kooxaha qaska wada.

Mar wax laga weydiiyay dib u heshiisiinta ay waddo dowladda Somalia, waxa uu Karson ku boorriyay xukuumadda Somalia in ay sii ballaariso howlaha dib u heshiisiineed ayna ku soo darto cid kasta oo diyaar u ah in ay nabad qaadato