Dagaalo u dhaxeeyay Ciidamada AMISOM iyo dhinacyada ka soo horjeeda ayaa waabarigii saaka ka dhacay Wadada Warshadaha, iyadoo dagaalkaas la isu adeegsaday Hubka noocyadiisa kala duwan.

Xoogaga Hubeysan ayaa inta badan weeraro kula jermaaday waabarigii Ciidamada AMISOM, gaar ahaan kuwa Brundi ee fariisinka ku leh Kulyadii Hore ee Jaalle Siyaad, iyadoo dagaaladaas ay yihiin kuwo soo noq noqday.

Dagaalkii saaka oo ahaa mid si weyn loo maqlayay Madaafiicda culus ayaa waxaa saameyn ku yeesheen isu socodka Gaadiidka BL-ka ee isticmaala halkaas, waxaana Gaadiidka noqday mid hakad gala.

Inta badan dagaalada xilliyada ay dhacaan ayaa ah kuwo ay saameyn ku yeeshaan dadka iyo Gaadiidka, waxaana ka sokow qasaaraha shacabka uu yahay mid ka dhasha duqeymaha aan indhaha laheyn.

Ciidamada AMISOM ee ku sugan magaalada Muqdisho ayaa had iyo jeer la kulma weeraro toos ah iyo duqeymo xarumahooda loo geysto waxaana ay ku jawaabaan weeraro culus oo ay u geystaan Xaafadaha Muqdisho