Burcad badeed Soomaali ah ayaa qabsaday markab laga leeyahay waddanka Sacuudiga iyo shaqaalihii saarnaa, sida ay sheegeen saraakiil ka tirsan ciidamadab badda ee Midowga Yurub ee ku sugan gacanka cadan.

Markabka oo ka yimid waddanka Japan ayaa waxa uu ku sii jeeday magaalada Jeddah, isagoo maran markii ay burcaddu qafaaleen.

Waxaa lagu soo waramay in markabka oo la yiraahdo MT Nisir Al Saudi uu ku socday xilliga la qabtay meel ka baxsan khadadka biyaha ee ay ilaaliyaan marakaabiita dagaalka.

Weerarada burcad badeedda Soomaalida ayaa inta badan kordha inta u dhexeysa bilasha March iyo May, sababtuna ay tahay badda oo deggan oo u sahasha in burcad badeeddu meeshii ay doonaan tagaan